ಕನ್ನಡ /
English

ಭೇಟಿ ನೀಡಿದವರು: 0

ಹಿಂದೂ ಧಾರ್ಮಿಕ ಮತ್ತು ಧರ್ಮಾದಾಯ ದತ್ತಿ ಇಲಾಖೆ

ಜಿಲ್ಲಾಡಳಿತ, ಹಾಸನ

ತಾಯಿ ಹಾಸನಾಂಬ ದೇವಿ ದರ್ಶನ ಮತ್ತು ಶ್ರೀ ಸಿದ್ದೇಶ್ವರ ಸ್ವಾಮಿ

ಜಾತ್ರಾ ಮಹೋತ್ಸವ - 2025

ಜಾತ್ರಾ ಮಹೋತ್ಸವ - 2025

ಜಿಲ್ಲಾಡಳಿತ, ಹಾಸನ
ತಾಯಿ ಹಾಸನಾಂಬ ದೇವಿ ದರ್ಶನ ಮತ್ತು ಶ್ರೀ ಸಿದ್ದೇಶ್ವರಸ್ವಾಮಿ ಜಾತ್ರಾ ಮಹೋತ್ಸವ – ೨೦೨೫
ಜಾತ್ರಾ ಮಹೋತ್ಸವದ ವೇಳೆ ಹಾಸನ ನಗರಕ್ಕೆ ಆಗಮಿಸುವ ಭಕ್ತಾದಿಗಳಿಗೆ
ವಾಹನ ಸಂಚಾರಿ ನಿಯಮಗಳು
  1. ೨೦೨೫ ರ ಜಾತ್ರಾ ಮಹೋತ್ಸವಕ್ಕೆ ರಾಜ್ಯ ಮತ್ತು ಹೊರರಾಜ್ಯಗಳಿಂದ ೨೫ ಲಕ್ಷಕ್ಕೂ ಹೆಚ್ಚು ಭಕ್ತಾದಿಗಳು ದರ್ಶನಕ್ಕೆ ಆಗಮಿಸುವ ನಿರೀಕ್ಷೆಯಿದ್ದು, ಅವರ ಸುರಕ್ಷತೆ ಹಾಗೂ ಸುಲಲಿತ ದರ್ಶನ ನಮ್ಮೆಲ್ಲರ ಅತ್ಯಮೂಲ್ಯ ಜವಾಬ್ಚಾರಿ.
  2. ಜಾತ್ರಾ ಮಹೋತ್ಸವಕ್ಕೆ ಆಗಮಿಸುವ ಎಲ್ಲಾ ಭಕ್ತಾದಿಗಳ ಸುರಕ್ಷತೆ ದೃಷ್ಟಿಯಲ್ಲಿ ಕರ್ತವ್ಯ ನಿರತ ಅಧಿಕಾರಿ/ಸಿಬ್ಬಂದಿಗಳ ಮಾರ್ಗದರ್ಶನದೊಂದಿಗೆ ಎಲ್ಲಾ ಸಂಚಾರಿ ನಿಯಮಗಳನ್ನು ಕಡ್ಡಾಯವಾಗಿ ಪರಿಪಾಲಿಸುವುದು.
  3. ಆಯಾ ರಸ್ತೆ ಹೆದ್ದಾರಿ ಮಾರ್ಗವಾಗಿ ಹಾಸನ ನಗರದ ವಿವಿಧ ಭಾಗಗಳಲ್ಲಿ ಪೂರ್ವ ನಿಗಧಿಪಡಿಸಿರುವ ಪಾರ್ಕಿಂಗ್ ಸ್ಥಳಗಳಲ್ಲೇ ವಾಹನ ನಿಲುಗಡೆಗೊಳಿಸುವುದು. ಪಾರ್ಕಿಂಗ್ ಸ್ಥಳಗಳಿಂದ ದರ್ಶನದ ಪ್ರದೇಶದ ವರೆಗೆ ಸ್ಥಳೀಯ ಖಾಸಗಿ ವಾಹನಗಳಾದ ಆಟೋ/ಟ್ಯಾಕ್ಸಿಗಳ ಮೂಲಕ ಮಾತ್ರ ಆಗಮಿಸಲು ಅವಕಾಶವಿರುತ್ತದೆ.
  4. ದೇವಸ್ಥಾನದ ಪರಿಮಿತಿಗೆ ಭಕ್ತಾದಿಗಳ ವಾಹನ ಚಾಲನೆಗೆ ನಿರ್ಬಂಧ ವಿಧಿಸಲಾಗಿರುತ್ತದೆ. ಹಾಗೂ ನಗರದ ವಿವಿಧ ಭಾಗಗಳಲ್ಲಿ ಗುರುತು ಪಡಿಸಿದ ಪಾರ್ಕಿಂಗ್ ಸ್ಥಳಗಳಲ್ಲಿ ಹೊರತುಪಡಿಸಿ ಮತ್ಯಾವುದೇ ಸ್ಥಳದಲ್ಲಿ ವಾಹನ ನಿಲುಗಡೆಯನ್ನು ನಿರ್ಬಂಧಿಸಿದೆ.
  5. ಸಾರ್ವಜನಿಕ ಬಸ್ ಮತ್ತು ರೈಲುಗಳ ಮೂಲಕ ಆಗಮಿಸುವ ಭಕ್ತಾದಿಗಳಿಗೆ ಬಸ್ ಮತ್ತು ರೈಲ್ವೆ ನಿಲ್ದಾಣದಿಂದ ದರ್ಶನದ ಪ್ರದೇಶದ ವರೆಗೆ ನಗರ ಸಾರಿಗೆ ವ್ಯವಸ್ಥೆ ಕಲ್ಪಿಸಲಾಗಿರುತ್ತದೆ.
  6. ನಗರ ಸಾರಿಗೆ ಬಸ್, ಖಾಸಗಿ ಟ್ಯಾಕ್ಸಿ ಮತ್ತು ಆಟೋಗಳು ಭಕ್ತಾದಿಗಳನ್ನು ದರ್ಶನಕ್ಕೆ ನಿಗದಿ ಪಡಿಸಿದ ಸ್ಥಳಗಳಲ್ಲಿ ಇಳಿಸಿದ ಕೂಡಲೇ, ಪಾರ್ಕಿಂಗ್ ನಿಯಮ ಉಲ್ಲಂಘನೆಯಾಗದಂತೆ ನಿಗದಿತ ಮಾರ್ಗದಲ್ಲಿಯೇ ಹಿಂದಿರುಗಲು ಸೂಚಿಸಿದೆ.
  7. ಭಕ್ತಾದಿಗಳು ದರ್ಶನದ ನಂತರವೂ ಎಲ್ಲಾ ಸಂಚಾರಿ ನಿಯಮಗಳನ್ನು ಪಾಲಿಸಿ ಸುರಕ್ಷಿತವಾಗಿ ಹಿಂದಿರುಗಲು ಕೋರಿದೆ.
  8. ಹಾಸನ ನಗರಕ್ಕೆ, ಜಿಲ್ಲೆಯ ವಿವಿಧ ಪ್ರವಾಸೋಧ್ಯಮ ಸ್ಥಳಗಳಿಗೆ ಮತ್ತು ಜಾತ್ರಾ ಮಹೋತ್ಸವದ ಪ್ರಯುಕ್ತವಾಗಿ ನಗರದೊಳಗೆ ಏರ್ಪಡಿಸಿರುವ ಫಲಪುಷ್ಪ ಪ್ರದರ್ಶನ, ವಸ್ತು ಪ್ರದರ್ಶನ, ಡಾಗ್ ಶೋ, ಆರ್ಟ್ ಗ್ಯಾಲರಿ, ಜಾನಪದ ಜಾತ್ರಾ ಸ್ಥಳಗಳಿಗೆ ತಲುಪಲು ಈ ವೆಬ್ಸೈಟ್ನಲ್ಲಿ ಲಭ್ಯವಿರುವ ಗೂಗಲ್ ರೂಟ್ ಮ್ಯಾಪ್ಗಳನ್ನು ಲಿಂಕ್ನ್ನು ಬಳಸಿಕೊಳ್ಳುವುದು.
ತಾಯಿ ಹಾಸನಾಂಬ ದೇವಿ ಹಾಗೂ ಶ್ರೀ ಸಿದ್ದೇಶ್ವರಸ್ವಾಮಿ ದರ್ಶನಕ್ಕೆ ಆಗಮಿಸುವ ಭಕ್ತಾದಿಗಳು ಸ್ವಯಂ ಪ್ರೇರಿತವಾಗಿ ಎಲ್ಲಾ ಸಂಚಾರಿ ನಿಯಮಗಳನ್ನು ಪಾಲಿಸಿ, ಸುರಕ್ಷಿತ ದರ್ಶನ ಪಡೆದು ದೇವರ ಕೃಪೆಗೆ ಪಾತ್ರರಾಗಲು ಕೋರಿದೆ.