ಹಿಂದೂ ಧಾರ್ಮಿಕ ಮತ್ತು ಧರ್ಮಾದಾಯ ದತ್ತಿ ಇಲಾಖೆ
ಜಿಲ್ಲಾಡಳಿತ, ಹಾಸನ
ಜಾತ್ರಾ ಮಹೋತ್ಸವ - 2025
ಜಿಲ್ಲಾಡಳಿತ, ಹಾಸನ
ತಾಯಿ ಹಾಸನಾಂಬ ದೇವಿ ದರ್ಶನ ಮತ್ತು ಶ್ರೀ ಸಿದ್ದೇಶ್ವರಸ್ವಾಮಿ ಜಾತ್ರಾ ಮಹೋತ್ಸವ – ೨೦೨೫
ಜಾತ್ರಾ ಮಹೋತ್ಸವದ ಪ್ರಯುಕ್ತ ಭಕ್ತಾದಿಗಳಿಗೆ
ಹಾಸನಾಂಬ ಫಲಪುಷ್ಪ ಪ್ರದರ್ಶನದ ವಿಶೇಷತೆಗಳು
ಹಾಸನಾಂಬ ಫಲಪುಷ್ಪ ಪ್ರದರ್ಶನದ ವಿಶೇಷತೆಗಳು
- ತಾಯಿ ಹಾಸನಾಂಬ ದೇವಿಯ ದರ್ಶನಕ್ಕೆ ಆಗಮಿಸುವ ಭಕ್ತಾದಿಗಳಿಗೆ ಜಾತ್ರಾ ಮಹೋತ್ಸವ ಅಂಗವಾಗಿ ದಿನಾಂಕ ೧೭.೧೦.೨೦೨೫ ರಿಂದ ೨೦.೧೦.೨೦೨೫ ರ ವರೆಗೆ, ಹಾಸನ ನಗರದ ಬಿ ಎಂ ರಸ್ತೆಯಲ್ಲಿರುವ ಸಿಲ್ವರ್ ಜೂಬ್ಲಿ ಪಾರ್ಕ್ನಲ್ಲಿ ಆಕರ್ಷಣೀಯವಾಗಿ ಫಲಪುಷ್ಪ ಪ್ರದರ್ಶನ ಆಯೋಜಿಸಲಾಗಿದೆ.
- ಫಲಪುಷ್ಪ ಪ್ರದರ್ಶನ ದಿನಗಳಲ್ಲಿ, ಪ್ರದರ್ಶನ ಕಾಲಾವದಿಯನ್ನು ಸಮಯ ಬೆಳಗ್ಗೆ ೯:೦೦ ಗಂಟೆಯಿಂದ ರಾತ್ರಿ ೮:೩೦ ರ ವರೆಗೆ ನಿಗದಿಪಡಿಸಲಾಗಿದೆ.
- ಈ ಭಾರಿ ಫಲಪುಷ್ಪ ಪ್ರದರ್ಶನದಲ್ಲಿ ಆಕರ್ಷಣೀಯವಾಗಿ ತಾಯಿ ಹಾಸನಾಂಬ ದೇವಾಲಯದ ರಾಜಗೋಪುರ ಮತ್ತು ಗರುಡ ಕಂಬವನ್ನು ವಿವಿಧ ಬಗೆಯ ಬಣ್ಣಬಣ್ಣದ ಹೂಗಳಿಂದ ಅಲಂಕರಿಸಿ ನಿರ್ಮಿಸುತ್ತಿರುವುದು ಒಂದು ವಿಶೇಷ.
- ಪರಿಸರ ಸಂರಕ್ಷಣಾ ವಿಷಯಕ್ಕೆ ಒತ್ತು ಕೊಡಬೇಕಾದ ಇಂದಿನ ಅಗತ್ಯತೆಯಲ್ಲಿ, ಪರಿಸರ ಸಂರಕ್ಷಣೆ ಹಾಗೂ ಪರಿಸರಕ್ಕೆ ಪೂರಕವಾಗಿರುವ ವಿವಿಧ ಕಲಾಕೃತಿಗಳಾದ ಭೂಗೋಳ, ಸೂರ್ಯ, ಮತ್ತು ಇತರೆ ಹೂವಿನ ಮಾದರಿಗಳನ್ನು ಪ್ರದರ್ಶಿಸಲು ಉದ್ದೇಶಿಸಲಾಗಿದೆ.
- ಅನುಪಯುಕ್ತ ವಸ್ತುಗಳನ್ನು ಬಳಸಿ ಗಾರ್ಡನ್ ಅಂದವನ್ನು ಹೆಚ್ಚಿಸುವ ಮಾದರಿಗಳನ್ನು ಪ್ರದರ್ಶಿಸಲಾಗುವುದು. ತರಕಾರಿ ಕೆತ್ತನೆ, ಇಕೆಬಾನ ಮುಂತಾದ ಮಾದರಿಗಳ ಪ್ರದರ್ಶನ ವೀಕ್ಷಕರ ವಿಶೇಷ ಗಮನ ಸೆಳೆಯಲಿವೆ.
- ಶಾಲಾ ಮಕ್ಕಳಿಗೆ ಕೇವಲ ಕಲಾಕೃತಿಗಳ ಕಲಿಕೆಯಷ್ಟೇ ಅಲ್ಲದೆ ಫಲಪುಷ್ಪ ಪ್ರದರ್ಶನವು ಕ್ರಿಯಾತ್ಮಕವಾಗಿ ಹತ್ತು ಹಲವು ಕಲಿಕೆಯ ಆಸಕ್ತಿಯನ್ನು ಪ್ರೇರಿಪಿಸುವ ರೀತಿಯಲ್ಲಿ ಮೂಡಿಬರಲಿದೆ.
- ಇದೇ ಫಲಪುಷ್ಪ ಪ್ರದರ್ಶನದಲ್ಲಿ ಸಾರ್ವಜನಿಕರ ಮಾಹಿತಿಗಾಗಿ ವಿವಿಧ ಇಲಾಖೆಗಳ ವತಿಯಿಂದ ವಸ್ತು ಪ್ರದರ್ಶನ ಮಳಿಗೆಗಳನ್ನು ಆಯೋಜಿಸಲಾಗುವುದು.
- ಫಲಪುಷ್ಪ ಪ್ರದರ್ಶನಕ್ಕೆ ಹಿಂದಿನಂತೆ ಪ್ರವೇಶ ಶುಲ್ಕವಿದ್ದು, ಶಾಲಾ ಮಕ್ಕಳ ಹೊರತಾಗಿ [೧೦ನೇ ತರಗತಿಯವರೆಗೆ ಉಚಿತ ಪ್ರವೇಶ], ಉಳಿದ ಪ್ರತಿಯೊಬ್ಬರಿಗೆ ಪ್ರತೀ ಟಿಕೇಟ್ ಶುಲ್ಕ ರೂ. ೨೦/- ನಿಗದಿಪಡಿಸಲಾಗಿದೆ.
- ಫಲಪುಷ್ಪ ಪ್ರದರ್ಶನ ಆವರಣದಲ್ಲಿ, ಜಾತ್ರಾ ಮಹೋತ್ಸವ ಆವರಣದಲ್ಲಿ ಮತ್ತು ನಗರದೆಲ್ಲೆಡೆ ಸ್ವಚ್ಚತೆ ಕಾಪಾಡುವ ಸಾರ್ವಜನಿಕ ಜವಬ್ದಾರಿಯಲ್ಲಿ ಎಲ್ಲರೂ ಸಹಕರಿಸಲು ಮನವಿ ಮಾಡಿದೆ, ಪ್ಲಾಸ್ಟಿಕ್ ಮತ್ತು ಕಸ ಮುಕ್ತ ಜಾತ್ರಾ ಮಹೋತ್ಸವದ ವಿಶೇಷ ಸಂಕಲ್ಪಕ್ಕಾಗಿ ಕೋರಿದೆ.
ಚಿತ್ರಗಳು
