ಹಿಂದೂ ಧಾರ್ಮಿಕ ಮತ್ತು ಧರ್ಮಾದಾಯ ದತ್ತಿ ಇಲಾಖೆ
ಜಿಲ್ಲಾಡಳಿತ, ಹಾಸನ
ಜಾತ್ರಾ ಮಹೋತ್ಸವ - 2025
ಹಿಂದೂ ಧಾರ್ಮಿಕ ಮತ್ತು ಧರ್ಮದಾಯ ದತ್ತಿ ಇಲಾಖೆ
ಜಿಲ್ಲಾಡಳಿತ, ಹಾಸನ
ತಾಯಿ ಹಾಸನಾಂಬ ದೇವಿ ದರ್ಶನ ಮತ್ತು ಶ್ರೀ ಸಿದ್ದೇಶ್ವರಸ್ವಾಮಿ ಜಾತ್ರಾ ಮಹೋತ್ಸವ – ೨೦೨೫
ಜಾತ್ರಾ ಮಹೋತ್ಸವದ ಪ್ರಯುಕ್ತ ಭಕ್ತಾದಿಗಳಿಗೆ
ಹಾಸನಾಂಬ ವಸ್ತು ಪ್ರದರ್ಶನದ ವಿಶೇಷತೆಗಳು
ಹಾಸನಾಂಬ ವಸ್ತು ಪ್ರದರ್ಶನದ ವಿಶೇಷತೆಗಳು
- ತಾಯಿ ಹಾಸನಾಂಬ ದೇವಿಯ ದರ್ಶನಕ್ಕೆ ಆಗಮಿಸುವ ಭಕ್ತಾದಿಗಳಿಗೆ ಜಾತ್ರಾ ಮಹೋತ್ಸವ ಅಂಗವಾಗಿ ವಸ್ತು ಪ್ರದರ್ಶನವನ್ನು ದಿನಾಂಕ ೦೯.೧೦.೨೦೨೫ ರಿಂದ ೨೩.೧೦.೨೦೨೫ ರ ವರೆಗೆ, ಹಾಸನ ನಗರದ ಸಾಲಗಮೆ ರಸ್ತೆಯಲ್ಲಿರುವ ಸರ್ಕಾರಿ ವಿಜ್ಞಾನ ಕಾಲೇಜು ಆವರಣದಲ್ಲಿ ಆಯೋಜಿಸಲಾಗಿದೆ.
- ವಸ್ತು ಪ್ರದರ್ಶನ ದಿನಗಳಲ್ಲಿ, ಪ್ರದರ್ಶನ ಕಾಲಾವದಿಯನ್ನು ಸಮಯ ಬೆಳಗ್ಗೆ ೯:೦೦ ಗಂಟೆಯಿಂದ ರಾತ್ರಿ ೮:೩೦ ರ ವರೆಗೆ ನಿಗದಿಪಡಿಸಲಾಗಿದೆ.
- ವಸ್ತು ಪ್ರದರ್ಶನದಲ್ಲಿ ಹಾಸನ ಜಿಲ್ಲೆಯ ಯುವ ಉದ್ಯಮಿಗಳ ಉತ್ಕೃಷ್ಟ ಉತ್ಪನ್ನಗಳನ್ನು ಜಿಲ್ಲೆಗೆ ಮತ್ತು ಹೊರಜಿಲ್ಲೆಯ ಗ್ರಾಹಕರಿಗೆ ಇನ್ನಷ್ಟು ಪರಿಷಯಿಸಿ ಮಾರುಕಟ್ಟೆ ವೃದ್ದಿಸುವ ಬಗ್ಗೆ ವಿಶೇಷ ಗಮನಹರಿಸಿದೆ.
- ವಸ್ತು ಪ್ರದರ್ಶನದಲ್ಲಿ ಹಾಸನ ಜಿಲ್ಲೆಯ ಮಹಿಳಾ ಸ್ವಸಹಾಯ ಸಂಘಗಳ ವಿಶಿಷ್ಠ ಸೊಗಡಿನ ಸಾಂಪ್ರದಾಯಿಕ ಅಡುಗೆ ಗೃಹ ಉತ್ಪನ್ನಗಳನ್ನು ಜಿಲ್ಲೆಗೆ ಮತ್ತು ಹೊರಜಿಲ್ಲೆಯ ಗ್ರಾಹಕರಿಗೆ ಇನ್ನಷ್ಟು ಪರಿಷಯಿಸಿ ಮಾರುಕಟ್ಟೆ ವೃದ್ದಿಸುವ ಬಗ್ಗೆ ವಿಶೇಷ ಗಮನಹರಿಸಿದೆ.
- ವಸ್ತು ಪ್ರದರ್ಶನದಲ್ಲಿ ಸರ್ಕಾರದ ಸಹಾಯಧನ ಯೋಜನೆಗಳ ಫಲಾನುಭವಿಗಳು, ಉದ್ಯಮಿಗಳಾಗಿ ಹೊರಹೊಮ್ಮಿ ರಾಜ್ಯ, ರಾಷ್ಟ್ರ ಮಾರುಕಟ್ಟೆ ಮೀರಿ ವಿದೇಶಗಳಿಗೆ ಉತ್ಪನ್ನಗಳನ್ನು ರಫ್ತು ಮಾಡುತ್ತಿರುವಂತೆ, ಅಂತಹ ಯೋಜನೆಗಳು ಮತ್ತು ಸರ್ಕಾರದ ಫಲಾನುಬವಿಗಳನ್ನು ನವ ಉದ್ಯಮ ಸ್ಥಾಪಿಸಲು ಕನಸು ಹೊತ್ತವರಿಗೆ ಪ್ರೇರಣೆಯಾಗಲೆಂದು ಪರಿಚಯಿಸುತ್ತಿರುವುದು ವಿಶೇಷ.
- ಜಿಲ್ಲೆಯ ಕೃಷಿ ಮತ್ತು ಕೃಷಿ ಸಂಬಂಧಿತ ಉದ್ಯಮಗಳ ಅವಕಾಶಗಳನ್ನು ಸರ್ಕಾರಿ ಯೋಜನೆಗಳ ಫಲಾನುಭವಿಗಳ ಮೂಲಕ ಬಗೆ ಬಗೆಯ ಉತ್ಪನ್ನಗಳಾಗಿ ವಸ್ತು ಪ್ರದರ್ಶನದಲ್ಲಿ ಪರಿಚಯಿಸುತ್ತಿರುವುದ ಒಂದು ವೈಶಿಷ್ಠ ಸಂದರ್ಭ.
- ವಸ್ತು ಪ್ರದರ್ಶನದಲ್ಲಿ ಉತ್ಪನ್ನಗಳನ್ನು ಗ್ರಾಹಕರಿಗೆ ಪರಿಚಯಿಸಿ, ಖರೀದಿಸುವುದಷ್ಟೇ ಅಲ್ಲದೆ, ಮುಂದಿನ ಮಾರುಕಟ್ಟೆ ವಿಸ್ತರಣೆಗೆ ವ್ಯವಹಾರ ಒಡಂಬಡಿಕೆಗಳನ್ನು ಹೋಲ್ ಸೇಲ್ ಖರೀದಿದಾರರು ಮತ್ತು ರಫ್ತುದಾರರೊಂದಿಗೆ ರೂಪಿಸಿಕೊಳ್ಳಲು ಮುಂದಿನ ಹೆಜ್ಜೆಯಾಗಲಿದೆ.
- ವಿವಿಧ ಇಲಾಖೆಯ ಆಕರ್ಷನೀಯ ವಸ್ತು ಪ್ರದರ್ಶನಕ್ಕೆ ಅವಕಾಶ ರೂಪಿಸಿರುವ ಜೊತೆಗೆ ವಿವಿಧ ನವೀನ ಕೃಷಿ ಯಂತ್ರೋಪಕರನಗಳ ವೀಕ್ಷಣೆಗೂ ಅವಕಾಶ ಕಲ್ಪಿಸಿರುವಂತೆ, ೬೦ ಕ್ಕೂ ಹೆಚ್ಚು ಮಳಿಗೆಗಳ ಪ್ರದರ್ಶನಕ್ಕೆ ಅವಕಾಶ ಕಲ್ಪಿಸಿದೆ.
- ವಸ್ತು ಪ್ರದರ್ಶನ ಪ್ರದೇಶದಲ್ಲಿ ದಿನಾಂಕ ೧೯.೧೦.೨೦೨೫ ರಂದು ಬೆಳಗ್ಗೆ ೧೧ ಗಂಟೆಯಿಂದ ಸಂಜೆ ೪ ಗಂಟೆಯ ಕಾಲಾವದಿಯಲ್ಲಿ ಡಾಗ್ ಶೋ – ಕಾರ್ಯಕ್ರಮವನ್ನು ವಿಶೇಷವಾಗಿ ಆಯೋಜಿಸಲು ಕ್ರಮವಹಿಸಿದೆ.
- ವಸ್ತು ಪ್ರದರ್ಶನದ ವೇಳೆ, ಅಲ್ಲಿನ ಸುತ್ತಲಿನ ಪ್ರದೇಶವನ್ನು ಸ್ವಚ್ಚವಾಗಿಡುವ ಸಾರ್ವಜನಿಕ ಜವಬ್ದಾರಿಯಿಂದ ಗ್ರಾಹಕರು ಮತ್ತು ಪ್ರದರ್ಶಕರು ಗಮನಹರಿಸಬೇಕಿದೆ. ಈ ನಿಟ್ಟಿನಲ್ಲಿ ಪ್ಲಾಸ್ಟಿಕ್ ಬಳಕೆ ನಿಷೇದಿಸಿರುವಂತೆ ಪರ್ಯಾಯ ಪರಿಸರ ಸ್ನೇಹಿ ವ್ಯಾಪಾರ ಕ್ರಮಗಳನ್ನು ಅನುಸರಿಸಲು ತಿಳಿಸಿದೆ.
- ಪಾಕಸ್ಪರ್ದೆ: ವಸ್ತು ಪ್ರದರ್ಶನ ಪ್ರದೇಶದಲ್ಲಿಯೇ ಸರ್ಕಾರಿ ವಿಜ್ಞಾನ ಕಾಲೇಜು ಕೊಠಡಿಯಲ್ಲಿ ದಿನಾಂಕ ೧೨.೧೦.೨೦೨೫ ರಂದು ಬೆಳಗ್ಗೆ ೧೦:೩೦ ರಿಂದ ಮದ್ಯಾಹ್ನ ೨ ಗಂಟೆಯ ವರೆಗೆ ಪಾಕ ಸ್ಪರ್ದೆ ಏರ್ಪಡಿಸಲಾಗಿದೆ. ವಿಜೇತರಿಗೆ ಪ್ರಥಮ, ದ್ವಿತೀಯ ಮತ್ತು ತೃತೀಯ ಬಹುಮಾನವನ್ನು ನೀಡಲಾಗವುದು.
ಚಿತ್ರಗಳು ಮತ್ತು ವೀಡಿಯೋ
